ხორავას ქუჩის საქმის შემსწავლელი საგამოძიებო კომისიის სხდომაზე, ქალაქ თბილისის ყოფილ პროკურორს მიხეილ შაყულაშვილს და მის ყოფილ მოადგილეს გიორგი გაბოძეს, ამჯერად კითხვებს საპარლამენტო უმრავლესობის წევრები უსვამენ.

მამუკა მდინარაძე დანის გაღუნვის ამბით დაინტერესდა და გიორგი გაბოძეს მიმართა კითხვით, თუ რა ინფორმაცის ფლობდა ის ამ ფაქტთან დაკავშირებით.

 გიორგი გაბოძემ განმარტა, რომ დანა მიკროსკოპულ დონეზე არის გაღუნული და ის არანაირად არ შეუშლის ხელს არც ერთ ექსპერტს:

„გაღუნული დანის შესახებ მე მაქვს ინფორმაცია, რომ ამისი თვალით ხილვა არის შეუძლებელი, მხოლოდ და მხოლოდ მიკროსკოპის ქვეშ შეიძლება. კერძოდ, ეს დანა გაიღუნა მიკროსკოპულად იმიტომ, რომ ექსპერტები ატარებდნენ იმ კვლევას, რასაც ყოველთვის ატარებდნენ და ამ დანაზე ჩაატარეს. კერძოდ, მუყაოზე გადააფარეს ნაჭერი და დანის სიბასრეს და ა.შ. ამოწმებდნენ, თუმცა ამ დანით ახალი ექსპერიმენტის ჩატარება არ არის გამორიცხული მე რამდენადაც ექსპერტებისგან მაქვს ინფორმაცია. ეს დანა არის ქარხნული წესით, სერიულთ დამზადებული დანა და მსგავსი კონსტრუქციის, ანალოგიური სერიაში არსებული ანალოგიური დანით შეიძლება იგივე კვლევების ჩატარება თუ  მაინც და მაინც ვინმე ფიქრობს რომ ეს მიკროსკოპულ დონეზე გაღუნული წვერი  რაიმეს შეუშლის რომელიმე ექსპერტს, თუმცა მე ვფიქრობ რომ ესეც არ შეუშლის ხელს”, - განაცხადა გაბოძემ.

ავტორი: ,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს