ტყიბულში დღეიდან ფართომასშტაბიანი აქციები დაიწყო.

აქციის მონაწილეები კომპანია "საქნახშირის" ადმინისტრაციის გადაყენებას და შახტებში ტრაგიკულ შემთხვევებზე პასუხისმგებელი პირების დასჯას ითხოვენ.

მომიტინგეები ასევე ქალაქის პარალიზებაზე საუბრობენ.

"მანქანებით მოვივლით მთელ ქალაქს და მოსახლეობას მოვუწოდებთ, რომ შემოგვიერთდნენ. ასევე მოვუწოდებთ, რომ დახურონ მაღაზიები და სხვადასხვა დაწესებულებები, რათა მოხდეს ქალაქის პარალიზება. ამ ქალაქის გადასარჩენად მოსახლეობა ერთად უნდა დავდგეთ. მთავარი მოთხოვნა გვაქვს, რომ "საქნახშირის" ადმინისტრაცია გადადგეს და ხელმძღვანელობამ დაკევბული თანამდებობები დატოვოს. ეს მოთხოვნა იქამდე იდგება დღის წესრიგში, სანამ არ დაკმაყოფილდება და ეს ადამიანები არ აღმოაჩნდებიან იქ სადაც მათი ადგილია", - აცხადებს აქციის ერთ-ერთი მონაწილე.

მოქალაქეები ასევე, პრემიერ-მინისტრთან შეხვედრას ითხოვენ. ისინი მამუკა ბახტაძეს მოუწოდებენ მოლაპარაკებების პროცესში ჩაერთოს. აქცციის მონაწილეების თქმით, თუკი მათი მოთხოვნები არ დაკმაყოფილდება ისინი პროტესტს გააგრძელებენ და აქციები უფრო ფართომასშტაბიანი გახდება.

აქცია ტყიბულში მას შემდეგ დაიგეგმა, რაც 16 ივლისს მინდელის შახტში კიდევ ერთი ტრაგიკული შემთხვევა მოხდა. შახტის ერთ-ერთ უბანზე აფეთქებას 4 ადამიანი ემსხვერპლა, ექვსი კი მძიმედ დაშავდა.

ავტორი: ,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით