ამერიკის შეერთებული შტატების პრეზიდენტი დონალდ ტრამპი ჩრდილოატლანტიკური ალიანსის ქვეყნებს ნატო-ს დატოვებით დაემუქრა, - ამის შესახებ DW სანდო წყაროზე დაყრდნობით იუწყება.

მედია საშუალების ინფორმაციით, ტრამპმა მოკავშირეებს მოუწოდა, თავდაცვისთვის გამოყოფილი თანხა 2 პროცენტამდე გაზარდონ. კერძოდ, ნატო-ს წევრმა ქვეყნებმა მშპ-დან შემოსული თანხების 2 პროცენტი უნდა მოახმარონ ჩრდილოატლანტიკური ალიანსის თავდაცვისუნარიანობის გაძლიერებას და ეს 2024 წლამდე უნდა მოხდეს.

სააგენტო Reuters-ი წყაროზე დაყრდნობით წერს, რომ დონალდ ტრამპის მხრიდან პირდაპირი მუქარა არ გაჟღერებულა, თუმცა მისი ტონი ულტიმატუმს ჰგავდა.

მედიის ცნობით, აღნიშნული საუბრები თეთრი სახლის ლიდერის მიერ გერმანიის, ესპანეთისა და ბელგიის კრიტიკის ფონზე მიმდინარეობდა.

აღსანიშნავია, რომ ოფიციალური განცხადება გავრცელებულ ინფორმაციასთან დაკავშირებით არც თავად ტრამპს და არც მის წარმომადგენლებს გაუკეთებიათ.

DW-ს კორესპონდენტის თქმით, შეხვედრა დონალდ ტრამპსა და ანგელა მერკელს შორის მშვიდობიან გარემოში წარიმართა, რის შემდეგაც თეთრი სახლის ლიდერმა განაცხადა, რომ ურთიერთობები ბერლინთან გრანდიოზულია.

ცნობისთვის, გერმანია იყო ერთ-ერთი ქვეყანა, რომელიც ამერიკამ ყველაზე მეტად გააკრიტიკა. ტრამპმა აღნიშნა, რომ ბერლინს ნატო-ს ბიუჯეტში საკმარისი თანხა არ შეაქვს.

ავტორი: ,

სოციალური ქსელები

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო