აჭარაში, მწერებით გადამტანი დაავადებების პრევენციის მიზნით, სადეზინსექციო სამუშაოები გრძელდება

2018-06-21 11:43:53, 723 ნახვა

საზოგადოება

მწერებით გადამტანი დაავადებების პრევენციის მიზნით აჭარის საზოგადოებრივი ჯანდაცვის ცენტრი სადეზინსექციო სამუშაოებს აგრძელებს.

აჭარის ჯანდაცვის სამინისტროს ცნობით, კომპლექსური ღონისძიებები 1 მაისს დაიწყო, რომლის ფარგლებში, შავიზღვისპირა ზოლში სარფიდან ანაკლიამდე ყველა სახის კოღოს წინააღმდეგ სადეზინსექციო სამუშაოები მიმდინარეობს.

ტურისტული სეზონის უსაფრთხოდ ჩატარებისთვის დეზინსექტანტით მუშავდება საცხოვრებელი და არასაცხოვრებელი ფართების შიდა არეალი.

პირველი ეტაპი მოიცავს სამუშაოებს მაისისა და ივნისის თვეში , მეორე ეტაპი კი აგვისტოსა და სექტემბრის თვეში გაგრძელდება.

აღნიშნული ღონისძიების ფარგლებში 1 მლნ 520 ათასი კვადრატული მეტრი ფართობი დამუშავდება.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები