კუპრავამ სხვა დაკავებულებთან ერთად საქალაქო სასამართლოს დარბაზი პროტესტის ნიშნად დატოვა

2018-06-11 17:51:08, 669 ნახვა

სამართალი

ზვიად კუპრავამ და მასთან ერთად დაკავებულმა სამმა პირმა სასამართლოს სხდომათა დარბაზი პროტესტის ნიშნად დატოვეს.

კუპრავას თქმით, სასამართლო პროცესი მართულია.

მისივე თქმით, მოსამართლეს უკვე წინასწარ აქვს გადაწყვეტილება მიღებული და ვარაუდობენ, რომ ისინი პატიმრობაში დარჩებიან.

ზვიად კუპრავას თქმით, ის პოლიტიკური მოტივით არის დაკავებული.

მოსამართლე პარლამენტის წინ დაკავებულების საქმეზე გადაწყვეტილების მისაღებად გავიდა, რომელიც რამდენიმე წუთში გახდება ცნობილი.

ზვიად კუპრავა, ლაშა ცუცქირიძე და კიდევ 2 პირი დღეს დილით დააკავეს. როგორც შსს-მ განაცხადა, ისინი წვრილმანი ხულიგნობისა და პოლიციელის კანონიერი მოთხოვნისადმი დაუმორჩილებლობის ფაქტზე დააკავეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები