„ევროპული საქართველო“  საპროტესტო აქციასთან დაკავშირებით შექმნილ ოპოზიციურ გაერთიანებაში შესვლას კონსულტაციების შემდეგ გადაწყვეტს-  ამის შესახებ პარტიის წევრმა ოთარ კახიძემ განაცხადა.

მისი თქმით, „ევროპული საქართველო“ გააგრძელებს კონსულტაციებს, როგორც ზაზა სარალიძესთან, ასევე სხვა პოლიტიკურ პარტიებთან.

„აქციის ორგანიზებისთვის, კარავში 5-წუთიანი შეხვედრა და აზრთა გაცვლა-გამოცვლა საკმარისი არაა. ჩვენ კონსულტაციებს გავაგრძელებთ. „ევროპული საქართველო“ პასუხისმგებლობას იღებს, იმ განცხადებებზე და მოწოდებებზე, რომელსაც ვაკეთებთ ჩვენ. განვაგრძობთ კონსულტაციებს როგორც ბატონ ზაზა სარალიძესთან, ისე პოლიტიკურ პარტიებთან. აქცია უნდა გაგრძელდეს, რათა ხელისუფლებამ არ იფიქროს, რომ თითქოს რაღაც დამთავრდა. პარალელურად უნდა გაგრძელდეს პროცესი, რომელიც ეხება ხელისუფლების მაქსიმალურ შევიწროვებას, რათა დანიშნოს საზოგადოებისთვის მისაღები პროკურორი და არ მოგვახვიოს თავს მორიგი მარიონეტი. პარალელურად უნდა გაგრძელდეს საგამოძიებო კომისიის მუშაობა. კომისიამ უნდა გამოავლინოს ის ფაქტები, რომელმაც საზოგადოებამ არ იცის. პროტესტი და საგამოძიებო კომისია ერთმანეთის ალტერნატივა არ არის. „ევროპული საქართველო“ გავაგრძელებთ როგორც ბატონი ზაზა სარალიძის გვერდით დგომას, ისე საზოგადოებისთვის იმ ინფორმაციის მიწოდებას, თუ რა მოხდა სარალიძის და დადუნაშვილის მკვლელობის საქმეში“, - განაცხადა კახიძემ.

შეგახსენებთ, რუსთაველის გამზირზე, პარლამენტის შენობასთან დღეს, 18:00 საათზე აქცია  “ნუ მომკლავ!“-ს ნაცვლად ოპოზიციური პარტიების მიერ დაანონსებული საინფორმაციო მიტინგი გაიმართება, სადაც  ისინი სამოქმედო გეგმის შესახებ ისაუბრებენ.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის