2015-05-27 17:39:24, 630 ნახვა
სამართალი
სგპ „წითელი ხიდის“ ტერიტორიაზე არადეკლარირებული ოქრო აღმოაჩინეს
სსიპ შემოსავლების სამსახურის ინფორმაციით, სგპ „წითელი ხიდის“ ტერიტორიაზე აზერბაიჯანიდან საქართველოს მოქალაქე ხ.მ. შემოვიდა, რომელსაც ეჭვის საფუძველზე დათვალიერების შედეგად არადეკლარირებული ოქროს ნაკეთობები აღმოაჩნდა.
კერძოდ: ოქროს ყელსაბამი და ბეჭდები საერთო წონით 90.42 გრამი აღმოაჩნდა. საქონლის საბაჟო ღირებულებამ 4381,76 ლარი შეადგინა.
საქართველოს საგადასახადო კოდექსის 289-ე მუხლის მე-10 ნაწილის თანახმად, საქართველოს მოქალაქეს სანქციის სახით შეეფარდა ფულადი ჯარიმა 4381,76 ლარის ოდენობით.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
