კიევში უსაფრთხოების სამსახური "რია ნოვოსტი - უკრაინას" ოფისში შეიჭრა, - ამის შესახებ რუსული მედია იუწყება.

როგორც უკრაინის უსაფრთხოების სამსახურში აცხადებენ, რეიდები ყველა მედია საშუალებაში ტარდება, რომელიც რუსეთის ფედერაციის დაქვემდებარებაშია.

უწყების პრესსამსახურის ცნობით, მედია საშუალების ოფისში ჩხრეკა მიმდინარეობს და მისი ხელმძღვანელი კირილ ვიშინსკი დააკავეს.

"არსებობს ეჭვი, რომ აღნიშნული მედია საშუალება უკრაინის წინააღმდეგ ჰიბრიდულ ომს აწარმოებს", - აცხადებენ უკრაინის უსაფრთხოების სამსახურში.

გარდა ამისა, ჩხრეკა "რია ნოვოსტის" კორესპონდეტის ლუდმილა ლისენკოს სახლშიც ჩატარდა.

მომხდარ ფაქტს, რუსეთის პრეზიდენტის პრეს-მდივანმა დიმიტრი პესკოვმა უკვე უპასუხა. როგორც პესკოვმა აღნიშნა, რუსეთი ოფიციალური კიევის ამ ქმედებებს უპასუხებს.

"ანალოგიურ ნაბიჯებს გადავდგამთ. ვიმოქმედებთ კვალიფიციურად, თუმცა რა თქმა უნდა მიმწოლად და რუსული მედია საშუალებების ინტერესებს დავიცავთ", - აღნიშნა დიმიტრი პესკოვმა.

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა