„მიმდინარეობს სპეკულირება იმასთან დაკავშირებით, რომ ეს არის დარტყმა ღამის ეკონომიკაზე, რასაც ნამდვილად ვერ დავეთანხმები“, - ამის შესახებ თბილისის მერმა კახა კალაძემ „ქართული ოცნების“ ცენტრალურ ოფისთან ჟურნალისტებს განუცხადა.

როგორც მან აღნიშნა, ღამის ეკონომიკა აუცილებლად განვითარდება და კლუბური საქმიანობა, რომელიც ერთ-ერთი წარმატებულია, გაგრძელდება.

„მას შემდეგ რაც ჩვენ მოვედით ხელისუფლებაში, ჩვენი გუნდის მთავარი მამოძრავებელი არის ადამიანი და ადამიანის სიცოცხლე.  რაც შეეხება გუშინდელ ფაქტს, ჩვენ ვისმენთ არაერთგვაროვან განცხადებებს და მიმდინარეობს სპეკულირება იმასთან დაკავშირებით, რომ ეს არის დარტყმა ღამის ეკონომიკაზე, ღამის ეკონომიკის განვითარებაზე, რასაც ნამდვილად ვერ დავეთანხმები, საუბარია რომ ეს არის დარტყმა კლუბურ მუსიკაზე და ამ დარგის მომავალში მის არსებობაზე. სრული პასუხისმგებლობით ვაცხადებ, რომ ღამის ეკონომიკა აუცილებლად განვითარდება და კლუბური სცენა, რომელიც არის ერთ-ერთი წარმატებული, აუცილებლად გაგრძელდება მისი საქმიანობა და ჩვენი მხრიდან იქნება მაქსიმალური თანადგომა და ხელშეწყობა. ჩვენ ვამაყობთ იმ წარმატებებით, რაც ამ მიმართულებით გააჩნია ჩვენს დედაქალაქს“, - განაცხადა კალაძემ.

ცნობისთვის, კლუბებში ჩატარებულ სპეცოპერაციას დღეს „ღამის თბილისის ეკონომიკის“ ხელმძღვანელი სერგი გვარჯალაძე გამოეხმაურა. როგორც მან აღნიშნა, „ამ მოცემულობაში ღამის ეკონომიკის განვითარებაზე საუბარი წარმოუდგენლად მიაჩნია“.

ავტორი: ,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო