თუ საქართველოს მოქალაქეს შენგენის ზონაში შესასვლელად ვალიდური დოკუმენტი არ აქვს, პოლიციელს მისი შეჩერების უფლება ექნება“, – ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.

როგორც თალაკვაძემ პროექტის წარდგენისას აღნიშნა, საზღვარგარეთ საქართველოს მოქალაქის უკანონოდ ყოფნის ხელშეწყობასა და პირობების შექმნაზე სისხლის სამართლის პასუხისმგებლობა აღარ გავრცელდება, თუმცა გავრცელდება საქართველოს მოქალაქის უცხო ქვეყნის საზღვარზე უკანონოდ გადაყვანაზე.

„ეს კანონი ჩვეულებრივი პროცედურით განიხილება.  არანაირი აჩქარება არ იქნება. შესაბამისად ჩვენ გვექნება შესაძლებლობა, რომ თითოეულ დეტალზე სიღრმისეული მსჯელობა გვქონდეს. საქართველოს საზღვარზე პოლიციელები აღიჭურვებიან იგივე ინსტრუმენტით, მექანიზმითა და უფლებებით, როგორიც ეს არის ევროკავშირშირში მესაზღვრე პოლიციელებისთვის, რაც შეეხება კრიტერიუმებს, თუ რის საფუძველზე უნდა შეეძლოს შეჩერება პოლიციელს შენგენის ზონაში წამსვლელი მოქალაქის, აქ უნდა გამოვრიცხოთ სუბიექტივიზმი და დისკრეცია უნდა იყოს აბსოლუტურად დაზუსტებული კანონმდებლობაში, თუ რის საფუძველზე  ხდება ამ მექანიზმის გამოყენება. რა თქმა უნდა უკუძალა ამ ცვლილებებს ვერ ექნება და არ ექნება.  გასაჩივრების მექანიზმი ნებისმიერ შემთხვევაში, სახელმწიფოს სახელით მირებულ გადაწყვეტილებებზე გარანტირებული აქვთ ჩვენ მოქალაქეებს. მე იურისტებტან ამაზე მექნება კონსულტაცია. თუ აქ დამატებითი რამე ჩანაწერი არის ამისთვის საჭირო რა თქმა უნდა ეს საქმეს არ გააფუჭებს“,- აღნიშნა თალაკვაძემ.

უვიზოდ მოგზაურობის შესაძლებლობის არაკეთილსინდისიერად გამოყენების პრევენციისთვის პარლამენტში სპეციალურ კანონს მიიღებენ. ადამიანის უფლებათა დაცვის კომიტეტის სხდომაზე, დღეს  „საქართველოს სისხლის სამართლის კოდექსსა“ და „საქართველოს მოქალაქეების საქართველოდან გასვლისა და საქართველოში შემოსვლის წესების შესახებ“ კანონში შესატან ცვლილებებს, პირველი მოსმენით, პრინციპების დონეზე განიხილეს და მხარი დაუჭირეს.

ავტორი: ,

სოციალური ქსელები

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ