ლატვიის პრემიერი არ გამორიცხავს, რომ მომავალი წლის დასაწყისიდან საქართველომ უვიზო მიმოსვლით ისარგებლოს

2015-05-22 18:03:59, 522 ნახვა

პოლიტიკა

ლატვიის პრემიერ-მინისტრი ლაიმდოტა სტრაუიუმა არ გამორიცხავს, რომ მომავალი წლიდან საქართველომ და უკრაინამ უვიზო მიმოსვლით ისარგებლოს.

ამის შესახებ ლატვიის პრემიერმა რიგის სამიტის შემაჯამებელ პრესკონფერენციაზე განაცხადა.

„საქართველო და უკრაინა აქტიურად მუშაობენ იმისთვის, რომ კრიტერიუმები და მოთხოვნები დააკმაყოფილონ, რაც მათ წინაშე დგას. თუ წლის ბოლოს ევროკომისია თავის დადებით გადაწყვეტილებას დადებს, მაშინ წლის ბოლოს საქართველო და უკრაინა შემდეგ წელს სავარაუდოდ უკვე ისარგებლებენ უვიზო რეჟიმით. ამ გადაწყვეტილებას კომისიის მხრიდან კიდევ ერთი შეფასება და კიდევ ერთი ანალიზი სჭირდება. შემდეგი წლის დასაწყისიდან საქართველო ალბათ შეძლებს უვიზო რეჟიმით სარგებლობას“, - განაცხადა ლაიმდოტა სტრაუიუმამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან