გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა და ქვემო ქართლის რეგიონის გუბერნატორმა, გრიგოლ ნემსაძემ, ადგილობრივი მუნიციპალიტეტების ხელმძღვანელ პირებთან სამუშაო შეხვედრაზე სოფლის მეურნეობის დარგში არსებული გამოწვევები და გადაჭრის გზები განიხილეს.

განსაკუთრებული ყურადღება აზიური ფაროსანას წინააღმდეგ ბრძოლის 2018 წლისთვის დაგეგმილ ღონისძიებებს  დაეთმო. აღინიშნა, რომ პროცესში სამინისტროს ყველა უწყება თვითმმართველობებთან და სამხარეო ადმინისტრაციასთან ერთად კოორდინირებულად იქნება ჩართული ფაროსანას წინააღმდეგ ბრძოლის გასატარებელ ღონისძიებებში.

„დღეს, პირველი გამოწვევა არის ფაროსანას წინააღმდეგ ბრძოლა და ამ მიმართულებით აუცილებელია, მჭიდრო თანამშრომლობა, როგორც გუბერნიასთან, ასევე მუნიციპალიტეტის მერებთან. მნიშვნელოვანია, გარემოს დაცვისა და სოფლის მეურნეობის სამინისტროს რეგიონალური სამსახურების სრული კოორდინაცია. სწორედ მავნებელთან ბრძოლის ღონისძიებების დეტალები განვიხილეთ. ასევე საუბარი შეეხო სხვა საკითხებსაც, რომელიც მუნიციპალიტეტში არსებობს.“ - განაცხადა სოლომონ პავლიაშვილმა.

სამხარეო ადმინისტრაციაში მიმდინარე შეხვედრას გუბერნატორის მოადგილეები, საქართველოს მელიორაციის, სურსათის ეროვნული სააგენტოს და ეროვნული სატყეო სააგენტოს ადგილობრივი სამსახურების წარმომადგენლები დაესწრნენ. სოლომონ პავლიაშვილმა ყურადღება გაამახვილა სამინისტროს რეგიონალური წარმომადგენლებისა და მუნიციპალიტეტების ერთობლივი სამუშაოების გააქტიურების აუცილებლობაზე.

(NS)

ავტორი: ,

სოციალური ქსელები

ადმინისტრაცია: კობახიძე მაკრონმა პარიზში, კოსმოსის საკითხებზე დაგეგმილ პირველ საერთაშორისო სამიტზე მიიწვია

ბათუმში, ე.წ. ოცნების ქალაქში ხანძარია

კიევზე რუსეთის მასშტაბურ სარაკეტო იერიშს, სულ მცირე, 12 ადამიანი ემსხვერპლა

საერთაშორისო გადახდები უფრო სწრაფი ხდება - თიბისის და Standard Chartered Bank-ის პარტნიორობა