აუცილებად ვეცდები, დავასრულო ეს ავადმყოფური სისტემა – ამის შესახებ ნარკოდანაშაულში ბრალდებულმა გიორგი გიორგნაშვილმა  თბილისის საქალაქო სასამართლოში განაცხადა, სადაც მისთვის წარდგენილ ახალ ბრალდებასთან დაკავშირებით პროცესი მიმდინარეობს.

„არანაირ კომპრომისზე არ ვაპირებ წასვლას. გულით მრცხვენია იმ პარლამენტარების და სისტემის, რომლებიც ასე უაზროდ, ავადმყოფურად ცდილობენ პირველ რიგში, საზოგადოებრივი აზრისა და მოძრაობის დისკრედიტაციას, რომელიც ამდენი წელია ცდილობს ნარკოპოლიტიკის შეცვლას, ასევე პრეზიდენტის დისკრედიტაციას, რომელიც ყოვლად უსამართლოა. აუცილებლად ვეცდები დავასრულო ეს ავადმყოფური სისტემა“, – განაცხადა გიორგანაშვილმა.

დღეს წინასასამართლო სხდომის თარიღი განისაზღვრა, სასამართლო სხდომა 21 მაისს დაინიშნა. 

შეგახსენებთ, რომ შსს-მ გასულ წელს თურქეთიდან რეანიმობილით უკანონოდ შემოტანილი დაახლოებით 900 აბი ნარკოტიკული საშუალების საქმის ორგანიზატორი დააკავა. აღნიშნულ საქმეში გიორგი გიორგანაშვილი (ბახალა) ფიგურირებდა. შსს-ს ინფორმაციით, ნარკოტიკული საშუალების შემოტანას ორგანიზებას შპს „კატასტროფის მედიცინის ცენტრის“ ხელმძღვანელის შვილი ი.ქ. უკეთებდა და ნარკოტიკული საშუალებების საზღვარზე გადმოტანისთვის რეანომობილებს იყენებდა. 

გიორგანაშვილს ახალი ბრალი გუშინ წაუყენეს, რომელიც სასჯელის სახით 20-წლამდე თავისუფლების აღკვეთას ან უვადო პატიმრობას ითვალისწინებს. გიორგი გიორგანაშვილს ბრალი წარედგინა საქართველოს სისხლის სამართლის კოდექსის 260-ე და 262-ე მუხლებით, ორგანიზებული ჯგუფის მიერ განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის და საქართველოს ტერიტორიაზე უკანონოდ შემოტანის ფაქტზე.

ავტორი: ,

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა