თბილისის მერის მოადგილე მაია ბითაძე, საქართველოში ლიტვის ელჩ გიედრიუს პუოჯუნასს შეხვდა. შეხვედრაზე მხარეებმა მდინარე მტკვრის დაბინძურებისგან დაცვისა და პრევენციის მექანიზმების ჩამოყალიბებაზე იმსჯელეს და აღნიშნული მიმართულებით, ლიტვის მხრიდან დახმარების  საკითხი განიხილეს.

თბილისის მერია მდინარე მტკვრის მიერ მყარი ნარჩენების ჩამოტანის პრობლემის აღმოსაფხვრელად, კომპლექსური ღონისძიებების გატარებასა და საკითხის კომპლექსურ დარეგულირებას გეგმავს. 

პირველ ეტაპზე, თბილისზე მორგებული საუკეთესო პრაქტიკის გამოსავლენად, კვლევის ჩატარება იგეგმება. აღნიშნული კვლევის შედეგად დადგენილ ლოკაციებზე კი, მყარი ნარჩენების შესაგროვებლად და შეგროვებული ნარჩენების ამოსაღებად, ბადეებისა და ბარიერების მოწყობა, ასევე, შესაბამისი აღჭურვილობის შეძენა დაიგეგმება.   
 
თბილისის მერის მოადგილის განცხადებით, ლიტვის გარემოს დაცვის სამინისტროს წარმომადგენლებთან შეხვედრა საქმიან რეჟიმში წარიმართა.

„ლიტვის გარემოს დაცვის სამინისტროს წარმომადგენლებთან და საქართველოში ლიტვის ელჩთან ძალიან საინტერესო შეხვედრა გვქონდა. შეხვედრის მთავარი მიზანი მდინარე მტკვრის დაბინძურებისგან დაცვისა და პრევენციის მექანიზმების ჩამოყალიბება იყო. ვფიქრობთ, რომ ამ მიმართულებით ლიტვის შესაბამის სტრუქტურებთან ერთად, თანამშრომლობას დავიწყებთ და ის პრობლემები, რომლებიც ჩვენს დედაქალაქში მცხოვრებლებს აწუხებთ და მდინარე მტკვრის ვიზუალურ დაბინძურებას ეხება, ერთხელ და სამუდამოდ გადაიჭრება“, - განაცხადა მაია ბითაძემ. 

საქართველოში ლიტვის ელჩმა აღნიშნულ სფეროში გამოცდილების გაზიარებისა და თბილისის მერიასთან თანამშრომლობის მზადყოფნა გამოთქვა.

„ამგვარი პრობლემის გადასაჭრელად, საინტერესო ტექნოლოგიური გადაწყვეტილებები გაგვაჩნია და მზად ვართ, თბილისში ჩვენს მეგობრებს დავეხმაროთ. შეხვედრაზე ასევე, ვისაუბრეთ სხვა გარემოსდაცვით საკითხებზე, რომელზეც თანამშრომლობაა შესაძლებელი“, - აღნიშნა ლიტვის ელჩმა. 

თბილისის მერის მოადგილესთან შეხვედრას, ლიტვის გარემოს დაცვის სამინისტროს  პროექტების მართვის სააგენტოს უფროსის მოადგილე დაინიუს კაზლაუსკასი და დაძმობილების პროექტების მრჩეველი დაივა მატონიენე ესწრებოდნენ. 

(NS)

ავტორი: ,

სოციალური ქსელები

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით