ბულგარეთის ვიცე-პრემიერმა ვალერი სიმეონოვმა რუსეთის პატრიარქის კირილის ქონება გაასაჯაროვა.

სიმეონოვის მტკიცებით, რუსეთის პატრიარქს  შვეიცარიაში ვილა, კერძო ვერტმფრენი და 30 ათასი დოლარის ღირებულების საათი აქვს.

ასევე, ბულგარეთის ვიცე-პრემიერმა,  БНТ-ს ეთერში,  კირილს „КГБ-ს აგენტი“ და „რუსეთის სიგარეტის მიტროპოლიტი“ უწოდა.

„ეს არ არის მართლმადიდებელი მოძღვარი. ეს არის აგენტი მიხაილოვი, საბჭოთა КГБ-ს მეორეხარისხოვანი აგენტი“, - განაცხადა ბულგარეთის ვიცე-პრემიერმა.

მისივე თქმით, კირილი  წლებია უკვე კონტრაბანდით არის დაკავებული.

„კირილი სულაც არ არის სამოთხიდან მოვლენილი, კეთილსინდისიერი უფლის მსახური, ის კონტრაბანდითაა დაკავებული და 1996 წლიდან, რუსეთში 14 მილიარდი დოლარის ოდენობის სიგარეტი შეიტანა“,- განაცხადა სიმეონოვმა.

ცნობისთვის, მანამდე ბულგარეთის პრეზიდენტი რუმან რადაევი, ბულგარეთის გათავისუფლების 140-ე წლისთავისადმი მიღვნილ დღესასწაულზე სიტყვით გამოვიდა. რუსეთის  პატრიარქმა,  რადევის სიტყვით გამოსვლასთან დაკავშირებით, საჯაროდ გამოხატა უკმაყოფილება.   პატრიარქ კირილის აზრით, რადევმა ოსმალური იმპერიის დამარცხებაში რუსეთის როლს არასაკმარისად გაუსვა ხაზი.

ავტორი: ,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის