სერგეენკო იმერეთის რეგიონის სამედიცინო საზოგადოებას შეხვდა

2018-03-02 14:04:02, 665 ნახვა

რეგიონი

საქართველოს შრომის,ჯანმრთელობისა და სოციალური დაცვის მინისტრი დავით სერგეენკო იმერეთში მოქმედი კლინიკების ხელმძღვანელებს, საზოგადოებრივი ჯანდაცვის ცენტრის წარმომადგენლებსა და იმერეთის რეგიონის გუბერნატორს და ქალაქების მერებს შეხვდა.

შეხვედრაზე პირველადი ჯანდაცვის რგოლის გაძლიერება, ვაქცინაციის მნიშვნელობა და
ინფექციური დაავადებების პრევენცია, საყოველთაო ჯანდაცვის პროგრამის
მიმდინარეობა და სიახლეები განიხილეს.

ქუთაისში გამართულ შეხვედრაზე მინისტრმა საზოგადოებას პირველად წარუდგინა
ეგრეთ წოდებული „მოქალაქის პორტალი“– citizen.moh.gov.ge, რომლის
მეშვეობითაც ნებისმიერ მოქალაქეს შესაძლებლობა აქვს მიიღოს ამომწურავი
ინფორმაცია ჯანდაცვის პროგრამებითა და სერვისებით სარგებლობის შესახებ.

პერსონალური მონაცემების დადასტურების შემდეგ მოქალაქე იგებს რა სახის პაკეტით
სარგებლობს საყოველთაო ჯანდაცვის პროგრამაში, კონკრეტული საჭიროების დროს
როგორია დაფინანსება და ხარჯები, რომელ სამედიცინო დაწესებულებებში მიიღებს
სასურველ მომსახურებას და სხვა.

ანალოგიურ შეხვედრებს ჯანდაცვის მინისტრი აჭარასა და სამეგრელო–ზემო სვანეთის
მხარეშიც მართავს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები