ნატახტარში არჩილ ტატუნაშვილის ცხედრის გადმოცემის მოთხოვნით საპროტესტო აქცია მიმდინარეობს

2018-02-26 18:32:08, 1113 ნახვა

რეგიონი

ოკუპირებულ ცხინვალში გარდაცვლილი არჩილ ტატუნაშვილის ცხედრის გადმოცემის მოთხოვნით, ნატახტარში საპროტესტო აქცია მიმდინარეობს.

აქციის მონაწილეები ადგილზე ხელისუფლების წარმომადგენლების მისვლას ითხოვენ. წინააღმდეგ შემთხვევაში დაშლას არ აპირებენ.

ამასთან, როგორც აქციის ერთ-ერთმა მონაწილემ განაცხადა, ისინი ცენტრალური გზის გადაკეტვას გეგმავენ.

ადგილზე საპატრულო პოლიციაა მობილიზებული.

ცნობისთვის, ერგნეთში დღეს ინციდენტების პრევენციისა და მათზე რეაგირების მექანიზმის ჯგუფის არაგეგმიური შეხვედრა გაიმართა. როგორც შეხვედრის შემდეგ გახდა ცნობილი, ოკუპირებული ცხინვალის დე-ფაქტო ხელისუფლებამ, არჩილ ტატუნაშვილის ცხედრის გადმოცემაზე ამ ეტაპზე უარი თქვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები