ერევნის მერიაში გამართულ სხდომაზე მმართველი გუნდის (რესპუბლიკური პარტიის) წევრებმა საკრებულოს ოპოზიციონერი დეპუტატი მარინა ხაჩატრიანი სცემეს, - ამის შესახებ News.am იუწყება.

მედია საშუალების ინფორმაციით, სხდომაზე ოპოზიციურმა ფრაქციამ ნუბარაშენის რაიონში აღებული წყლის ნიმუში მიიტანა. ოპოზიციონერი დეპუტატების მტკიცებით, ნუბარაშენის რაიონში წყლის რეზერვუარის გამო, უსიამოვნო სუნი დგას.

მედიის ცნობით, ოპოზიციონერმა, მარინა ხაჩატრიანმა  წყლის სინჯი მერს მიაწოდა. ამ დროს მასთან მმართველი პარტიის წევრები მივიდნენ და სინჯის წართმევა სცადეს. საბოლოოდ წყალი მერის მაგიდაზე დაიღვარა. ამის შემდეგ, "რესპუბლიკელებმა" ოპოზიციონერ ქალს სიტყვიერი და ფიზიკური შეურაცხყოფა მიაყენეს. 

დაპისირპირების ამსახველი ვიდეო მასალა მედიაში მალევე გავრცელდა. კადრებში ჩანს, რომ მმართველი გუნდის წევრები მარინა ხაჩატრიანს დარბაზიდან მიათრევენ და პერიოდულად თავში ურტყამენ. დაპირისპირების შემდეგ სხდომაზე შესვენება გამოცხადდა, ხოლო დაცვამ ჟურნალისტებს დარბაზი დაატოვებინა. ადგილზე სასწრაფო დახმარების ბრიგადაც იყო მისული.

ავტორი: ,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად