„ზოგადი განათლების შესახებ" კანონში შესატანი ცვლილებების კანონპროექტის თანახმად, მანდატურის სამსახურს უფლებამოსილება ეზრდება.

კანონპროეტქის მიხედვით, მოსწავლეთა შორის კონფლიქტის განეიტრალების და სკოლის გარეთ კონფლიქტის გაგრძელების პრევენციის მიზნით, მანდატურს უფლებამოსილება ექნება, რომ გააჩეროს და დააყოვნოს სკოლის მოსწავლე, შეატყობინოს მშობელს და ასევე სამართალდარღვევის აღმოჩენის შემთხვევაში გამოიძახოს საპატრულო პოლიცია.

ასევე მანდატურების მოვალეობაში შევა სკოლის შიდა და გარე პერიმეტრზე დამონტაჟებული სათვალთვალო კამერების ადმინისტრირება.

კანონპროექტი მანდატურის სამსახურის ეფექტიანობის გაზრდას ისახავს მიზნად. მანდატურის სამსახური ხდება გაცილებით დამოუკიდებელი და მაღალი ლეგიტიმაციის მქონე - მანდატური თანამდებობაზე დაინიშნება არა სკოლის დირექტორის, არამედ მანდატურის სამსახურის უფროსის მიერ, რაც მანდატურის დამოუკიდებლობის ხარისხს გაზრდის. მანდატურის სამსახურის უფროსს, თავის მხრივ, თანამდებობაზე ნიშნავს განათლების მინისტრი. 

ცნობისთვის, კანონპროექტი უკვე მომზადებულია და პარლამენტში მისი განხილვა უახლოეს დღეებში დაიწყება.

ავტორი: ,

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო