საქართველოს თავდაცვის მინისტრის ლევან იზორიას განცხადებით, სარაკეტო სისტემის-ჯაველინების გამოყენებასთან დაკავშირებით, უახლოეს მომავალში წვრთნები ჩატარდება.

როგორც იზორიამ ჟურნალისტებს განუმარტა, მასში მონაწილეობას ამერიკელი ინსტრუქტორები მიიღებენ, რომლებიც ქართველ სამხედროებს შეასწავლიან იმ უნარებს, რაც ამ შეიარაღების  გამოსაყენებლადაა საჭირო.

ამასთან, იზორია ამბობს, რომ ჯაველინების სისტემის მთავარი დანიშნულება თავდაცვაა:

„რაც შეეხება ანტისატანკო სისტემებს, ჯაველინებს, ეს სიტემა უკვე საქართველოშია და ამ სისტემის მთავარი დანიშნულება არის სწორედ თავდაცვა. რაც შეეხება მის გამოყენებას, ჩვენ ახლო მომავალში ვგეგმავთ შესაბამისი წვრთნების ჩატარებას, რათა ჩვენი სამხედრო მოსამსახურეები დაეუფლონ  იმ უნარებს, რაც აუცილებელია ამ ტექნიკის გამოყენებისთვის. ეს ახლო მომავალში მოხდება და ამისთვის ჩვენ ჩვენს მთავარ სტრატეგიულ პარტნიორთან ერთად, აშშ-სთან  ერთად უკვე ვმუშაობთ, რომ მათი ინსტრუქტორების დახმარებით ჩვენმა სამხედროებმა შეძლონ ტექნიკით სარგებლობა“, - განაცხადა იზორიამ.

ავტორი: ,

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა