დე-ფაქტო გენპროკურატურამ მარეკ დუდაევის მკვლელობაში ბრალდებულის ვინაობა დაასახელა

2018-01-17 16:02:44, 906 ნახვა

რეგიონი

ოკუპირებული სამხრეთ ოსეთის დე ფაქტო გენერალურმა პროკურატურამ მარეკ დუდაევის მკვლელობაში ბრალდებულის ვინაობა დაასახელა.

ინფორმაციას sputnik-ossetia ავრცელებს.

ბრალდებული სოფელ არცევის მკვიდრი, 32 წლის ვიაჩესლავ კაზიევია.

„მარეკ დუდაევის მკვლელობის ფაქტზე გენერალურმა პროკურატურამ სისხლის სამართლის საქმე მკვლელობის, ცეცხლსასროლი იარაღისა და საბრძოლო მასალის უკანონო შენახვის მუხლებით აღძრა. მიმდინარეობს ღონისძიებები, რომელიც მიმართულია დანაშაულის ყველა გარემოებისა და კაზიევის ადგილსამყოფელის დასადგენად და შემდგომ მის დასაკავებლად“, - ნათქვამია ე.წ. გენერალურ პროკურატურის განცხადებაში.

შეგახსენებთ, რომ ე.წ. სამხრეთ ოსეთში, მარეკ დუდაევი გუშინ მოკლეს. მისი ცხედარი სოფელ არცევში, ყოფილ კლუბში იპოვეს.

დუდაევი ქართველმა სამართალდამცველებმა 2004 წლის მარტში დააკავეს. მან ციხეში 9 წელი გაატარა და ამნისტიით 2013 წლის 7 ივნისს პატიმრობიდან გათავისუფლდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები