რუსეთი პრეზიდენტმა ვლადიმირ პუტინმა ლენინის ნეშტი ქრისტიანულ სიწმინდეებს შეადარა, - ამის შესახებ კრემლის ხელმძღვანელმა რუსული პირველი არხის ეთერში განაცხადა.

პუტინი მხოლოდ ამით არ შემოიფარგლა და დასძინა, რომ "კომუნისტური იდეოლოგია ძალიან ჰგავს ქრისტიანობას".

"მართლმადიდებლური რწმენა ყოველთვის გვეხმარებოდა, ის ძლიერდებოდა, მაშინ როდესაც ჩვენს ხალხს ეს ყველაზე მეტად სჭირდებოდა. იყო წლები, როდესაც კლავდნენ მღვდლებს, "ებრძოდნენ" ღმერთს, ანგრევდნენ ტაძრებს, მაგრამ ამავდროულად ქმნიდნენ ახალ რელიგიას. კომუნისტური იდეოლოგია - ძალიან ჰგავს ქრისტიანობას. თავისუფლება, ძმობა, თანასწორობა, სამართლიანობა - ეს ყველაფერი წმინდა ნაწერებშია ჩადებული, ხოლო კომუნიზმის შემქმნელების კოდექსი? ეს არის სუბლიმაცია, პრიმიტიული ნაწყვეტი ბიბლიიდან, არაფერი ახალი მათ არ მოუფიქრებიათ. ლენინი მავზოლეუმში დაასვენეს. რით განსხვავდება ეს წმინდანთა ნაწილებისგან? როცა მეუბნებიან, რომ ქრისტიანულ სამყაროში ასეთი ტრადიცია არ არსებობს, მიკვირს ეს ამბავი...როგორ თუ არ არსებობს? გაემგზავრეთ ათონის მთაზე, მოინახულეთ. გამოდის, რომ იმ დროინდელ ხელისუფლებას არაფერი ახალი არ მოუფიქრებია, მათ უბრალოდ მოირგეს ის, რაც აქამდე მსოფლიოსთვის უკვე შექმნილი იყო", - განაცხადა ვლადიმერ პუტინმა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა