ავტოავარიისას დაშავებული 4 სამართალდამცველის მდგომარეობა სტაბილურია, ერთის კი, მძიმე

2018-01-11 12:07:33, 2060 ნახვა

საზოგადოება

ზუგდიდი-თბილისის ცენტრალურ ავტომაგისტრალზე მომხდარი ავტოავარიის დროს დაშავებული 4 სამართალდამცველის მდგომაროება სტაბილურია, ერთის კი, მძიმე.

როგორც ზუგიდიდის რეფერალური საავადმყოფოს ექიმმა ირაკლი პაპავამ აღნიშნა, პაციენტები მკურნალობას განაგრძობენ.

"4 პაციენტის მდგომარეობა ამჟამად არის სტაბილური. ისინი რჩებიან კლინიკაში დაკვირვების მიზნით. რაც შეეხება კიდევ ერთ პაციენტს, ის არის მძიმე მდგომარეობაში. შემოსვლისთანავე გადავიყვანეთ მართვით სუნთქვაზე. ჩაუტარდა შესაბამისი კვლევები. აღენიშნება ქალაფუძის მოტეხილობა, ქალატვინის დახურული ტრავმა, ასევე გულმკერდის დახურული ტრავმა. ის რეანიმაციაშია გადაყვანილი", - განაცხადა ექიმმა.

ცნობისთვის, ხობში შსს-ს განსაკუთრებულ განსაკუთრებულ დავალებათა დეპარტამენტის ავტომობილი, რომელშიც 6 სამართალდამცველი იმყოფებოდა, გუშინ ავარიაში მოჰყვა. ავარიის შედეგად, ერთი მათგანი საავადმყოფოში მიყვანის შემდეგ გარდაიცვალა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები