პარლამენტის საპროცედურო საკითხთა და წესების კომიტეტის სხდომაზე დღეს „საჯარო დაწესებულებაში შრომის ანაზღაურების შესახებ“ კანონპროექტიდან გამომდინარე კანონპროექტთა პაკეტს  I მოსმენით განიხილავენ.

მომხსენებლები  გიორგი კახიანი და გურამ მაჭარაშვილი იქნებიან.

კანონპროექტებში მხოლოდ ტექნიკური ხასიათის ცვლილებები შედის და ისინი ტერმინთა ცვლილებებს შეეხება.

კერძოდ,  „ფულადი ჯილდოთი“ იცვლება ყველა ის ჩანაწერი, სადაც „ფულადი პრემიები“ იყო მოცემული. ხოლო რაც შეეხება პარლამენტის რეგლამენტში შესატან ცვლილებებს, კანონპროექტის თანახმად, პარლამენტის წევრის შრომის ანაზღაურების კომპონენტიდან ფულადი ჯილდო და სხვა სახის დანამატები, სრულიად ამოდის. აგრეთვე ტერმინი „ხელფასის“ ნაცვლად მიეთითება „შრომის ანაზღაურება“.

განმარტებით ბარათში აღნიშნულია, რომ კანონპროექტის მიღების მიზეზი „საჯარო დაწესებულებაში შრომის ანაზღაურების შესახებ“ საქართველოს კანონის პროექტის შემუშავებაა, რომელიც საჯარო დაწესებულებაში შრომის ანაზღაურების წესსა და პირობებს არეგულირებს.

ასევე,  დღეს საქართველოს მთავრობის მიერ საკანონმდებლო ინიციატივის წესით წარმოდგენილი „საჯარო სამსახურის შესახებ“ საქართველოს კანონში ცვლილებების დოკუმენტის I მოსმენით განხილვა მოხდება.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება