„უმრავლესობის ფარგლებში, ასეთი საჯარო წერილების მიწერა და განცხადებების წერა ჩემთვის მიუღებელი ფორმაა”,-ასე გამოეხმაურა პრემიერ-მინისტრი გიორგი კვირიკაშვილი უმრავლესობის დეპუტატის შოთა შალელაშვილის მიმართვას, რომ კვირიკაშვილმა  დონალდ ტრამპის გადაწყვეტილებას იერუსალიმის ისრაელის დედაქალაქად აღიარების შესახებ, მხარი დაუჭიროს.

პრემიერის თქმით, ეს არის საკითხი, რომელთან დაკავშირებითაც უნდა მოხდეს მსჯელობა და სახელმწიფომ საკუთარი პოზიცია დააფიქსიროს:

“საკითხი არის ძალიან სენსიტიური და, რა თქმა უნდა, ამ საკითხზე ჩვენ გვექნება მსჯელობა და საქართველო დააფიქსირებს პოზიციას, რომელიც იქნება ქვეყნის ინტერესებდან გამომდინარე, რა თქმა უნდა, საერთაშორისო კონიუქტურის და იმ საფრთხეების გათვალისწინებით, რომლებიც არსებობს რეგიონში. მე პატივს ვცემ ყველა დეპუტატს, მაგრამ უმრავლესობის დეპუტატის მხრიდან ასეთი მოსაზრებების ასეთ სენსიტიურ საკითხზე ღია წერილით დაფიქსირება მიუღებელი ფორმაა",- განაცხადა პრემიერმა.

ცნობისთვის, საპარლამენტო უმრავლესობის წევრი შოთა შალელაშვილი პრემიერ-მინისტრ გიორგი კვირიკაშვილს ღია წერილით მიმართავს და მას მოუწოდებს, იერუსალიმის ისრაელის დედაქალაქად აღიარების შესახებ აშშ-ის პრეზიდენტის  დონალდ ტრამპის გადაწყვეტილებას  მხარი დაუჭიროს.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი