შინაგან საქმეთა სამინისტროს ტაჯიკეთის რესპუბლიკის უწყებათშორისი დელეგაცია ესტუმრა. ვიზიტი გაეროს განვითარების პროგრამის (UNDP) ტაჯიკეთის ოფისის ორგანიზებით განხორციელდა.

ტაჯიკეთის სხვადასხვა სამინისტროს წარმომადგენლებმა შეხვედრები გამართეს შსს-ს სასაზღვრო პოლიციასა და საპატრულო პოლიციის დეპარტამენტში, სადაც საზღვრის ინტეგრირებული მართვის კუთხით განხორციელებულ რეფორმებს, მიმდინარე და დაგეგმილ პროექტებს გაეცნენ.

სტუმრები ასევე ეწვივნენ თბილისის აეროპორტს, სადახლოსა და წითელი ხიდის სასაზღვრო სექტორებს და სასაზღვრო გამტარ პუნქტებს, სადაც საპატრულო პოლიციისა და სასაზღვრო პოლიციის თანამშრომლები მათ საქართველოს სახელმწიფო საზღვრის დაცვის სტანდარტების, საპასპორტო კონტროლისა და მგზავრთა შემოწმების წესების შესახებ ესაუბრნენ.

ვიზიტის ფარგლებში, დელეგაციის წევრები შინაგან საქმეთა სამინისტროს აკადემიაშიც იმყოფებოდნენ. სტუმრები სასწავლო პროგრამების, მომზადებისა და გადამზადების კურსების შესახებ ინფორმაციას გაეცნენ, აკადემიის ბაზა დაათვალიერეს და სიმულაციურ სწავლებაში მონაწილეობა მიიღეს.

ვიზიტის მიზანი იყო ტაჯიკი კოლეგებისთვის საზღვრის ინტეგრირებული მართვის, მესაზღვრეთა სასწავლო პროგრამების, საზღვარზე ნარკოტიკების კონტროლისა და კორუფციასთან ბრძოლის საკითხებზე საქართველოს შს სამინისტროს გამოცდილების გაზიარება.

(NS)

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი