„თიბისი ბანკის“ სივრცეში „საქართველოს რაგბის კავშირისა“ და „თიბისი ბანკის“ ერთობლივი პრესკონფერენცია გაიმართა.

როგორც პრესკონფერენციაზე აღნიშნა, ნოემბრის ტესტები წელს „თიბისი ბანკის“ ეგიდით იმართება და 2017 წლის საერთაშორისო ტესტ-სერიას „თიბისი რაგბის სერიები“ ერქმევა, რომლის ფარგლებშიც თბილისში ორი მატჩი გაიმართება.

11 ნოემბერს ბორჯღალოსნები  კანადის წინააღმდეგ „დინამო არენაზე“ 18:00 საათზე  ითამაშებენ. სეზონის ბოლო მატჩს კი, ბორჯღალოსნები 25 ნოემბერს აშშ-ს ნაკრების წინააღმდეგ გამართავენ, რომელიც მიხეილ მესხის სტადიონზე ასევე 18:00 საათზე გაიმართება.

ნოემბერში ბორჯღალოსნები  კიდევ ერთ მატჩს, 18 ნოემბერს უელსის წინააღდეგ გეგმავენ, თუმცა ეს მატჩი „თიბისი რაგბის სერიების“-ის ნაწილი არ არის.

„რაგბის კავშირს უკვე 2 წელია გვერდში ვუდგავართ. წელს ძალიან მნიშვნელოვანი ორი თამაში გველის. კერძოდ,  კანადასთან და აშშ-თან და გვინდოდა, ბაზარზე ახალი პარტნიორობის ფორმა  შემოგვეტანა, რაც არის სერიების დაფინანსება. მაგალითად, ჯაზ სერიები განვაცხადეთ ცოტა ხნის წინ და „თიბისი რაგბის  სერიები“, ტესტები, სპონსორობის ახალი ფორმაა. ისევ და ისევ მხარში უდგას თიბისი ბანკი რაგბის კავშირს და მეტი ფულით მეტი საქმე გაკეთდება. შეიძლება კონკრეტული თამაშების ბრენდის ქვეშ მოქცევა და კონკრეტული კომპანიებისთვის ეს სასარგებლო იქნება“, - განუცხადა ჟურნალისტებს „თიბისი ბანკის“ გენერალური დირექტორის მოადგილე ნიკოლოზ ქურდიანმა.

რაგბის კავშირის თავმჯდომარის გოჩა სვანიძის თქმით,  კარგი იქნება, თუ ბიზნესის სხვა წარმომადგენლებიც იაქტიურებენ ამ მიმართულებით:

„თიბისი ჩვენი მთავარი პარტნიორია, გენერალური სპონსორია, ასეთი შესაძლებლობა მან ხელიდან  არ გაუშვა, მაგრამ კარგია, თუ  ბიზნესის სხვა წარმომადგენლებიც იაქტიურებენ და ჩაერთვებიან“, - აღნიშნა გოჩა სვანიძემ.

ტესტ-სერიის ბილეთების გაყიდვა 25 ოქტომბერს ონლაინ რეჟიმში tkt.ge-ს პლატფორმაზე დაიწყება. სალაროებში კი გულშემატკივარი ბილეთების შეძენას სამატჩო დღეებამდე 1 კვირით ადრე შეძლებს.

(R)

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი