ცენტრალური საარჩევნო კომისიის თავმჯდომარის თამარ ჟვანიას შეფასებით, საქართველოში წინასაარჩევნო გარემო მშვიდია, თუმცა გარკვეული პრობლემები მაინც არსებობს.

როგორც ჟვანიამ განმარტა, პრობლემები ძირითადად, სოციალური ქსელებით აგიტაციის და ადმინისტრაციული რესურსების გამოყენების საკითხებს ეხება.

„ძალადობრივი ფაქტები, რაღაც განსაკუთრებული დარღვევები, თუნდაც ის ფაქტი, რაც ზოგადად საჩივრების რაოდენობას უკავშირდება, მცირდება და ეს არის ძალიან კარგი მაჩვენებელი. ძალიან მშვიდია გარემო, თუმცა, არის გარკვეული პრობლემები, რომელიც ძირითადად, უკავშირდება სოციალური ქსელებით აგიტაციის საკითხებს, ამავდროულად ადმინისტრაციული რესურსების გამოყენების საკითხებს. ჩვენ ამასთან დაკავშირებით გვქონდა რეაგირება და ვთვლით, რომ ამ მიმართულებით მომავალში კიდევ მეტად გვჭირდება გაუმჯობესება”, - განაცხადა თამარ ჟვანიამ.

შეგახსენებთ, რომ საქართველოში თვითმმართველობის არჩევნები 21 ოქტომბერს გაიმართება. არჩევნებს 30-მდე უცხოური მისიის წარმომადგენელი და 71 ქართული არასამთავრობო ორგანიზაცია დააკვირდება.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა