საქართველოს პრეზიდენტის საპარლამენტო მდივნის, ანა დოლიძის განცხადებით,  „ქართულ ოცნებას“ დღეს აქვს შანსი, ახალი ტიპის პოლიტიკური ერთობა  შექმნას.

როგორც დოლიძემ პარლამენტის რიგგარეშე სხდომაზე საკონსტიტუციო ცვლილებების პროექტზე პრეზიდენტის მოტივირებული შენიშვნების წარდგენისას აღნიშნა, პრეზიდენტის მხრიდან არის მცდელობა,  „ქართული ოცნების“ მიერ,  ერთპარტიულად მიღებულ კონსტიტუციას, მთელი პოლიტიკური სპექტრის მხარდაჭერის ელფერი შესძინოს. ამიტომ, დოლიძის განმარტებით,  პრეზიდენტის მოტივირებული შენიშვნების მხარდაჭერის შემთხვევაში, კონსტიტუცია  ერთპარტიული კუთვნილებიდან , მთელი პოლიტიკური სპექტრის, საქართველოს ამომრჩევლების კონსტიტუციად გადაიქცევა:

„დღევანდელი დღე უპრეცედენტო და ისტორიული შემთხვევაა , ვინაიდან ეს არ არის მხოლოდ პრეზიდენტის დოკუმენტი. შეიძლება ითქვას, ამ მოტივირებულ შენიშვნებს ჰყავს ორი მშობელი, ერთი არის „ქართული ოცნება“, რომლის მიერ ინიცირებული, შექმნილი ან, ან საერთაშორისო ვალდებულებად აღებული საკითხი არის ის პირველი 5 საკითხი, რომელიც გამოყენებულია პრეზიდენტის მოტივირებულ შენიშვნებში, მეორე ესაა ჩვენი ოპოზიციურ პარტიათა სპექტრი, რომლებიც მრავალსაათიანი შეხვედრების, დებატის, მუშაობის, ხანდახან ცხარე კამათის შედეგად შეთანხმდნენ, რომ იმისათვის, რომ წინამდებარე დოკუმენტს, საქართველოს კონსტიტუციას შესძინონ თანხმობის დოკუმენტის ელფერი, ის გადაარჩინონ ერთპარტიული დოკუმენტის სტატუსს,  შეუერთდნენ კონსენსუსის დოკუმენტს. ეს ვეტო არის არა გაყოფის, არამედ თანხმობის ვეტო. პრეზიდენტი გვთავაზობს, მისი მოტივირებული შენიშვნები გამოყენებული იყოს, როგორც საშუალება, რომ კონსტიტუციის პროექტს მინიმალური თანხმობის ხასიათი მაინც ჰქონდეს.

არის მცდელობა იმ კონსტიტუციას, რომელიც „ოცნებამ“ მიიღო,  მინიმალურად მაინც შეეძინოს მთელი პოლიტიკური სპექტრის მხარდაჭერა.  მოტივირებული შენიშვნების მხარდაჭერის შემთხვევაში, ეს ისტორიული ვითარება იძლევა შანსს, რომ ერთპარტიული კუთვნილებიდან , კონსტიტუცია გადაიქცეს მთელი პოლიტიკური სპექტრის და საქართველოს ამომრჩევლების კონსტიტუციად. ეს გადაწყვეტილება მართლაც ისტორიულ საფეხურზე გადაიყვანს ჩვენს სახელწმიფოს“,-განაცხადა ანა დოლიძემ.

შეგახსენებთ, პარლამენტში, რიგგარეშე სხდომაზე,  „საქართველოს კონსტიტუციაში ცვლილების შეტანის შესახებ“ და „აჭარის ავტონომიური რესპუბლიკის შესახებ“ საქართველოს კონსტიტუციური კანონის პროექტებზე საქართველოს პრეზიდენტის მოტივირებული შენიშვნების განხილვა მიმდინარეობს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა