„ქართული ოცნების“ თბილისის მერობის კანდიდატი კახა კალაძე, დებატების საკითხს გამოეხმაურა.

როგორც კალაძემ აღნიშნა, უნდა შეირჩეს ნეიტრალური ტერიტორია, სადაც ყველა პარტიის კანდიდატი იქნება წარმოდგენილი.

მისივე თქმით, დებატების ორგანიზებაში შესაძლოა, არასამთავრობო სექტორის დახმარებაც გახდეს საჭირო.

„მაქვს ჩემი პროგრამა, რომლის ფარგლებშიც ყოველდღიურად შეხვედრებს ვმართავ მოსახლეობასთან. დებატების გამართვის საკითხი არ არის მარტივი. უნდა შევარჩიოთ ნეიტრალური ტერიტორია, შეიძლება არასამთავრობო ორგანიზაციების დახმარებაც დაგვჭირდეს აღნიშნულ საკითხში. უნდა იყოს წარმოდგენილი ყველა პარტიის კანდიდატი და ასევე ყველა ტელევიზიის ჟურნალისტი. მათ უნდა ჰქონდეთ შესაძლებლობა, მოვიდნენ და დასვან ყველა კითხვა, რაც აინტერესებთ. რაც შეეხება სხვადასხვა ტელევიზიებში დებატების გამართვას, პირველ რიგში ვფიქრობ, არ არის საინტერესო ერთი და იგივე თემაზე, ერთი და იგივე დებატების ჩატარება, მეორეს მხრივ, როდესაც ერთ ტელევიზიაში მიხვალ და მეორეში არა, შეიძლება ვიღაცას აწყენინო. ამიტომ, ვფიქრობ, რომ შეიძლება შეიქმნას საერთო პლატფორმა. როცა იქნება წარმოდგენილი ყველა კანდიდატი და ყველა ჟურნალისტი, ამით არავის ვაწყენინებთ და დებატები შედგება“, - განაცხადა კახა კალაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა