„თავისუფალი დემოკრატების“ ლიდერის ირაკლი ალასანიას შეფასებით, თავდაცვის სამინისტროს ხელმძღვანელობა საკადრო პოლიტიკაში აქცენტს პოლიტიკურ ლოიალობაზე აკეთებს.

როგორც ალასანიამ კამპანიის "დიალოგი მოსახლეობასთან" ფარგლებში ვიდეოდიალოგის ფორმატში კითხვებზე პასუხისას განაცხადა, მას სურს, რომ შეიარაღებული ძალები და თავდაცვის სამინისტრო ყველაზე წარმატებულ უწყებად დარჩეს.

"მე, როგორც მოქალაქე, თავდაცვის უწყების გულშემატკივარი ვარ. არის პროცესები რაზეც მე გული მწყდება, საკადრო პოლიტიკის კუთხითაც და დიდი იმედი მაქვს, რომ დღევანდელი ხელმძღვანელობა გაიაზრებს იმას, რომ მთავარია შეინარჩუნონ ის კარგი, რაც გაკეთდა და იმაზე დააშენონ საკუთარი პოლიტიკით და მოსაზრებით რაც არის უკეთ გასაკეთებელი. დღეს მე ვხედავ, რომ უფრო გადართული არიან იმაზე, რომელი ქვედანაყოფის თუ სხვადასხვა მიმართულების ხელმძღვანელი გამოირჩევა ლოიალობით და პოლიტიკურ ლოიალობაზე აკეთებენ აქცენტს. ეს არასწორი გზაა და იმედია, ამას გაიაზრებენ", - განაცხადა ირაკლი ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა