აჭარის ტურიზმის დეპარტამენტი რეგიონში მომსახურების ხარისხის კვლევას აწარმოებს. კვლევა რეგიონში განთავსებისა და კვების ობიექტების, ტურისტული სააგენტოების, ტურისტული მარშრუტების, ტურისტული ატრაქციების, ახალი ტურისტული პროდუქტების, გიდებისა და სოფლად არსებული საოჯახო სახლების სერვისის შეფასებას ითვალისწინებს.

სერვისის კვლევა ონლაინ სივრცესა და საინფორმაციო-ტურისტულ ცენტრებში მიმდინარეობს. აჭარის ტურიზმის დეპარტამენტის ოფიციალურ ვებ-გვერდზე Gobatumi.com და facebook გვერდზე visitbatumi განთავსებულია სპეციალური კითხვარი, სადაც ნებისმიერ მსურველს შეუძლია პირველ დეკემბრამდე, აჭარაში არსებულ ტურისტულ ობიექტებთან დაკავშირებით თავისი მოსაზრება დააფიქსიროს. ონლაინ კვლევის ლინკი - https://goo.gl/e71guA.

კითხვარი სამენოვანია და მისი შევსების შესაძლებლობა უცხოელ ტურისტებსაც აქვთ. ამობეჭდილი კითხვარები რეგიონში მდებარე ტურისტულ-საინფორმაციო ცენტრებშია განთავსდებული. ის ასევე დაეგზავნება რეგიონისა და ქვეყნის მასშტაბით ტურიზმის სექტორში მოქმედ კერძო კომპანიებსა და პირებს. კვლევისას დაფიქსირებული შედეგები დაეხმარება აჭარის ტურიზმის დეპარტამენტს რეგიონში ტურისტული მომსახურების ხარისხის განსაზღვრასა და სამომავლო ღონისძიებების დაგეგმვაში. კვლევისას გამოკვეთილი ტურიზმის სექტორის წარმატებულ ობიექტებს დეპარტამენტი ასევე წარადგენს ტურიზმის რეგიონულ ფორუმზე „მაგნოლია 2017“, რომელიც  ბათუმში დეკემბერში გაიმართება.

(NS)

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება