„შენების მოძრაობის" წარმომადგენელმა თავისუფალი და სამართლიანი არჩევნებისთვის უწყებათაშორისი კომისიაში თემურ ნერგაძემ კომისიის წევრებს დმანისში არსებული ვითარება გააცნო. მან კომისიის თავმჯდომარეს თეა წულუკიანს მოკვლევის შედეგები წარუდგინა.

„კომისიას მივაწოდეთ ის ინფორმაცია, რაც ადგილზე მოვიპოვეთ. ადგილობრივი მოსახლეობა ადასტურებს, რომ მათ აიძულებენ ყურანზე დაფიცებას იმის დასადასტურებლად, რომ ხმას ნამდვილად „ქართული ოცნების" კანდიდატს მისცემენ. კომისია შეისწავლის აღნიშულ საკითხს, განახორციელებს მონიტორინგს და საჭიროების შემთხვევაში მოახდენს შესაბამის რეაგირებას" - აცხადებს უწყებათაშორისი კომისიის წევრი, თემურ ნერგაძე.

"შენების მოძრაობის" პრესსამსახურის ინფორმაციით, ამ საკითხთან დაკავშირებით კომისიის თავმჯდომარემ თეა წულუკიანმა სხდომის შემდეგ კომენტარი გააკეთა და აღნიშნული ფაქტი დაგმო.

„პრობლემა რჩება ზოგიერთ მუნიციპალიტეტში, როდესაც ზოგიერთი ადამიანი ბედავს და ყურანზე აფიცებს ადამიანებს,რომ ამა თუ იმ პარტიას მისცემს ხმას. ეს არის დასაგმობი" - აღნიშნა თეა წულუკიანმა.

„შენების მოძრაობის" მიერ ფაქტის გახმაურების შემდეგ ყურანზე დაფიცების ფაქტების შესასწავლად ადგილზე ეუთოს წარმომადგენელებიც იმყოფებოდნენ.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება