საქართველოს ელჩი ინდოეთის რესპუბლიკაში, აკრედიტებული ტაილანდის სამეფოში, შრი-ლანკაში ბანგლადეშში და ნეპალში ლევან ნიჟარაძე ნეპალში მყოფ ქართველებს შეხვდა.

საგარეო საქმეთა სამინისტროს ინფორმაციით, ლევან ნიჟარაძე კატმანდუში გუშინ გვიან ღამით ჩაფრინდა და დღეს დილიდან შეხვედრები გამართა ნეპალის გაეროს ოფისსა და ნეპალის შინაგან საქმეთა სამინისტროში, სადაც მიწისძვრის შემდეგ ქვეყანაში შექმნილი ვითარება, მოსახლეობისათვის დახმარების გაწევის გზები და საშუალებები განიხილეს.

საქართველოს ელჩს ნეპალის შინაგან საქმეთა სამინისტროში კიდევ ერთხელ დაუდასტურეს, რომ მიწისძვრის შედეგად დაშავებულთა და დაღუპულთა შორის საქართველოს მოქალაქეები არ ირიცხებიან. ელჩი ასევე შეხვდა ​ნეპალში ტურისტულად მყოფ საქართველოს მოქალაქეების ჯგუფს და მოისმინა მათი საჭიროებების შესახებ. ხვალ შეხვედრა გაიმართება საქართველოს მოქალაქეების მეორე ჯგუფთან რომლებიც ნეპალში ასევე ტურისტულად იმყოფებიან.

ელჩი ასევე დაუკავშირდა ქ. კოხორაში მყოფ ქართველებს რომელთა დიდი ნაწილიც სამშობლოში 30 აპრილს დაბრუნდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს