"კანონით დამკვიდრებულია, რომ მოსამართლეები 3 წლიანი გამოსაცდელი ვადით გამწესდებიან, ეს პოზიცია ვერ შეიცვლება",-ამის შესახებ უზენაესი სასამართლოს თავმჯდომარე ნინო გვენეტაძემ ჟურნალისტებს განუცხადა. 

მედიის წარმომადგენელი მოსამართლეთა 3 წლიანი გამოსაცდელი ვადით დანიშვნის წესთან დაკავშირებით, უზენაესი სასამართლოს ახალი თავმჯდომარის პოზიციით დაინტერესდა. 

"ეს პოზიცია ვერ შეიცვლება, ეს კანონით დამკვიდრებული პოზიცია არის, რომ მოსამართლეები გამწესდებიან 3 წლიანი გამოსაცდელი ვადით და ამ გამოსაცდელი ვადის წარმატებით გავლის შემთხვევაში, ისინი უვადოდ გამწესდებიან პოზიციაზ.მე, როგორც უზენაესი სასამართლოს თავმჯდომარეს, მევალება დავიცვა კანონი. ამ საკანონმდებლო პაკეტში დახვეწილია უფრო ის დებულებები, რომლებიც 3 წლიან გამოსაცდელ ვადაში მოსამართლის შემოწმება  მის კეთილსინდისიერებასა და კვალიფიკაციის საკითხებს დაუკავშირდება და ვფიქრობ, აქაც რაიმე პრობლემა ახლად დანიშნულ მოსამართლეებს არ შეექმნებათ",-აღნიშნა ნინო გვენეტაძემ.

ეს განცხადება უზენაესი სასამართლოს თავმჯდომარემ პრემიერ-მინისტრ ირაკლი ღარიბაშვილთან შეხვედრის შემდეგ გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები