ხმაურთან დაკავშირებით შესაძლოა ადმინისტრაციული სასჯელი დაწესდეს.

ცვლილებას „ადმინისტრაციულ სამართალდარღვევათა კოდექსი“ ითვალისწინებს, რომელიც პარლამენტში უკვე ინიცირებულია.

კანონპროექტის თანახმად, დღის საათებში, 07:00-დან 23:00 საათამდე, თუ ხმაურის დონე 40 დბ-ს აღემატება, ამ შემთხვევაში ფიზიკური პირი 50 ლარით დაჯარიმდება, იურიდიული პირი და დაწესებულება კი, 500 ლარით.

ღამის საათებში, 23:00 დან 07:00 საათამდე, თუ ხმაურის დონე 30დბ-ს აღემატება, ფიზიკური პირი 100 ლარით დაჯარიმდება, იურიდიული პირი და დაწესებულება ათასი ლარით.

განმეორების შემთხვევაში კი, ჯარიმები გაორმაგდება.

როგორც განმარტებით ბარათშია ნათქვამი, კანონპროექტის შემუშავება გასართობი და სხვა დაწესებულებებიდან მომდინარე ხმაურის შედეგად მოსახლეობაში შექმნილი მძიმე მდგომარეობის დარეგულირების საჭიროებამ განაპირობა.

ამასთან, როგორც პროექტის ავტორი აცხადებს, ჯანდაცვის მსოფლიო ორგანიზაციის მონაცემებით, ხმაური , მისი ინტენსივობის გათვალისწინებით, სხვადასხვა დაავადებათა წყაროს წარმოადგენს. მაგალითად 100 დეციბელზე მაღალი ინტენსივობის ხმაური იწვევს სმენის დაქვეითებას, სრულ სიყრუემდე. ღამით, 50 დეციბელი ინტენსივობის ხმაურმა შეიძლება გამოიწვიოს გულსისხლძარღვთა დაავადება. 42 დბ ინტენსივობის ხმაური ავითარებს უძილობას, ხოლო 35დბ ხმაური საკმარისია იმისათვის, რომ ადამიანი ადვილად გაღიზიანებადი გახდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები