შინაგნა საქმეთა მინისტრის მოადგილე ლევან იზორია რამდენიმე დღის წინ გურჯაანში მომხდარ ინციდენტთან დაკავშირებით მიმდინარე საგამოძიებო მოქმედებების შესახებ, გამოძიების ინტერესებიდან გამომდინარე არ საუბრობს.

თუმცა, როგორც იზორიამ თემის კომენტირებისას ჟურნალისტებს განუცხადა, გამოძიება დამნაშავის გამოსავლენად ინტენსიურად მიმდინარეობს და საზოგადოებას გამოძიების დასრულების შემდეგ შედეგები აუცილებლად ეცნობება.

„მოგეხსენებათ, კონკრეტული ფაქტის ან ინფორმაციის საფუძველზე პროცესუალურად ვართ უფლებამოსილი დავიწყოთ გამოძიება. ასეთ ფაქტს ადგილი ჰქონდა. სისხლის სამართლის კოდექსით ითვალისწინებს შესაბამისი ფაქტის მიმართ კვალიფიკაციას და დაიწყო გამოძიება. მიმდინარეობს პროცესი და როგორც კი იქნება დამატებითი ინფორმაციები და მტკიცებულებები, საზოგადოება გაიგებს ამ გამოძიების შედეგებს. არ მაქვს უფლებამოსილება, გავაჟღერო დეტალები საგამოძიებო მოქმედებების შესახებ. დაველოდოთ საგამოძიებო ორგანოებს და შემდეგ მექნება უფლება მოგაწოდოთ ინფორმაცია ამასთან დაკავშირებით“, - განაცხადა იზორიამ.

ცნობისთვის, რამდენიმე დღის წინ „ქართული ოცნების“ აქტივისტებმა გურჯანიის მაჟორიტარ დეპუტატს გიორგი ღვინიაშვილს წიწილიანი კვერცხები ესროლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები