თავისუფლების მოედანზე მოქალაქეები და პოლიტიკოსები არიან შეკრებილი. ისინი  თბილისის საერთაშორისო აეროპორტიდან მომავალ  ამერიკის შეერთებული შტატების ვიცე-პრეზიდენტს დახვდნენ. მაიკ პენსის ესკორტმა პუშკინის ქუჩა ცოტა ხნის წინ გაიარა და გზა ფუნიკულიორის მიმართულებით გააგრძელა, სადაც ოფიციალური ვახშამი უნდა გაიმართოს.

მოქალაქეები  მიესალმენ აშშ-ის ვიცე-პრეზიდენტს  და გამოხატეს  მისდამი მხარდაჭერა. მათ ოვაციებით გააცილეს ვიცე-პრეზიდენტის ესკორტი.

ამ დროისთვის პუშკინის სკვერში სხვადასხვა სახის ღონისძიება მიმდინარეობს.

თავისუფლების მოედანზე იმყოფება ევროინტეგრაციის კომიტეტის თავმჯდომარე  თამარ ხულორდავა. მისი განცხადებით, აშშ ერთ-ერთი ყველაზე აქტიური მხარდამჭერია საქართველოს ტერიტორიული მთლიანობისა და სუვერენიტეტის.

„ეს ვიზიტი ცხადყოფს, რომ საქართველოს მიმართ აქვს სტრატეგიული ინტერესები აშშ-ს და რომ სანდო და საიმედო პარტნიორია საქართველო რეგიონში. ამ ვიზიტის მნიშვნელობა ძალიან დიდია“,-აღნიშნა თამარ ხულორდავამ.

აშშ-ის ვიცე-პრეზიდენტი საქართველოს ორ დღიანი ვიზიტით ცოტა ხნის წინ, მეუღლესთან ერთად ეწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”