თბილისის საერთაშორისო აეროპორტში ამერიკის შეერთებული შტატების ვიცე-პრეზიდენტის მაიკ პენსის დასახვედრად მისულ მოქალაქეებს ტერიტორია დაატოვებინეს.

მათთვის სპეციალური ადგილი იყო გამოყოფილი, თუმცა როგორც სახელმწიფო დაცვის სპეციალური სამსახურის უფროსმა ანზორ ჩუბინიძემ განაცხადა, ამერიკული მხარის მოთხოვნით, წინასწარ შეთანხმებული გეგმა შეიცვალა.

„აქ გასაკვირი არაფერია, ეს არის უმაღლესი დონის ვიზიტი და შესაბამისად, ამერიკული მხარისგან მოთხოვნები ძალიან მისაღებია. არის რა თქმა უნდა, ძალიან კატეგორიული მოთხოვნები და ჩვენც, შესაბამისად, ვახერხებთ და ძალიან მადლობლები არიან ჩვენი დახმარებით. არაფერი არ მომხდარა, ჯერჯერობით საზოგადოების დასწრების თემა გადასაწყვეტია“, - განაცხადა ჩუბინიძემ.

მაიკ პენსის თვითმფრინავი თბილისის საერთაშორისო აეროპორტში დაახლოებთ 19:00 საათზე დაეშვება. მას პრემიერ-მინისტრი გიორგი კვირიკაშვილი და მინისტრთა კაბინეტის წევრები დახვდებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”