2018-06-22 17:14:12, 2480 ნახვა
საზოგადოება
გიორგი გახარია ბრაზილიის იუსტიციის მინისტრს შეხვდა
საქართველოს შინაგან საქმეთა მინისტრი, გიორგი გახარია ბრაზილიის ფედერაციული რესპუბლიკის იუსტიციის მინისტრს, ტორკვატო ჟარდიმს შეხვდა.
შსს-ს ინფორმაციით, შეხვედრაზე გიორგი გახარიამ სტუმარს სამინისტროში ბოლო დროს განხორციელებული და მიმდინარე რეფორმები, ასევე, დაგეგმილი პროექტები გააცნო.
მხარეებმა ორ ქვეყანას შორის სამართალდამცავ სფეროში თანამშრომლობის განვითარებაზე ისაუბრეს და ყურადღება საერთაშორისო ორგანიზებული დანაშაულის წინააღმდეგ ბრძოლის საკითხებზე გაამახვილეს.
შეხვედრის შემდეგ, ბრაზილიის დელეგაციამ შინაგან საქმეთა სამინისტროს ერთობლივი ოპერაციების ცენტრი დაათვალიერა.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
