ე.წ. ციანიდის საქმეზე, ერთ-ერთი მოწმე, რომელიც სასამართლოს ჩვენებას მისცემს, მამ გიორგი მამალაძის უახლოესი მეგობარი იქნება.

ამის შესახებ ჟურნალისტებს პროკურორმა ზვიად გუბელაძემ განუცხადა.

მისი თქმით, აღნიშნულმა მოწმე გიორგი მამალძე ყველაზე ბოლოს ნახა, სანამ ის აეროპორტში მივიდოდა.

„აღნიშნულმა პირმა, გიორგი მამალაძეს გადასცა სხვადასხვა ნივთები. შესაბამისად, ამასთან დაკავშირებით გვექნება კითხვები“, - განაცხადა პროკურორმა.

მისივე მტკიცებით, აღნიშნული მოწმე გიორგი მამალაძეს ეხმარებოდა სხვადასხვა სასულიერო პირების დისკრედიტაციის მიზნით გამოქვეყნებული სტატიების მომზადებაში.

ამასთან, პროკურორის თქმით, ბრალდების მხარე დაუსვამს შეკითხვებს, აქვს თუ არა მას კავშირი ციანიდის შეძენასთან.

„ჩვენ ამის შესახებ დავუსვამთ შეკითხვებს, რამდენად გულწრფელი იქნება ამასაც შევაფასებთ. ის იყო ერთ-ერთი პირი, რომელმაც უკანასკნელად ნახა მამალაძე და გადასცა სხვადასხვა ნივთები. იყო თუ არა მათ შორის ციანიდი, ამასთან დაკავშირებითაც გვექნება შეკითხვები“, - აღნიშნა გუბელაძემ.

ცნობისთვის, დღევანდელ სასამართლო პროცესზე მხოლო ორი მოწმე დაიკითხება. მათი დაკითხვის შემდეგ კი, წერილობითი მტკიცებულებების განხილვა დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია