დღეს, სასტუმრო "რედისონ ბლუ ივერიაში“ საქართველო-უკრაინის ბიზნესფორუმი გაიმართა.

ღონისძიებას საქართველოს ეკონომიკისა და მდგრადი განვითარების მინისტრი გიორგი გახარია, მინისტრის მოადგილე გიორგი ჩერქეზიშვილი და საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე დაესწრნენ.

ფორუმი მისასალმებელი სიტყვით გახსნეს საქართველოს პრემიერ-მინისტრმა გიორგი კვირიკაშვილმა და უკრაინის პრეზიდენტმა პეტრო პოროშენკომ. მოგვიანებით ორივე ქვეყნის ეკონომიკური გუნდის წარმომადგენლებმა პანელში მიიღეს მონაწიელობა, სადაც საკუთარი ქვეყნების ეკონომიკური შესაძლებლობებსა და საქართველო-უკრაინის ურთიერთობების გაღრმავების პერსპექტივებზე ისაუბრეს. ასევე გაიმართა ტურიზმის ეროვნული ადმინისტრაცის და საპარტნიორო ფონდის პრეზენტაციები.

პრეზენტაციაზე ეკონომიკისა და მდგრადი განვითარების მინისტრის მოადგილე გიორგი ჩერქეზიშვილმა უკრაინის დელეგაციას  საქართველოს საინვესტიციო შესაძლებლობები გააცნო, მან  აქცენტი გააკეთა საქართველოს ტურიზმისა  და სატრანსპორტო შესაძლებლობებზე, ასევე პროგრამა ,,აწარმოე საქართველოს“, ინოვაციებისა და ტექნოლოგიების პროექტებზე.  ბიზნესფორუმის მიმდინარეობისას მხარეებმა ასევე განიხილეს  უკრაინის საინვესტიციო  და ტურისტული შესაძლებლობები.

საქართველო-უკრაინის ბიზნესფორუმში მონაწილეობა მიიღეს 120-მდე ქართული და 34 უკრაინული კომპანიის წარმომადგენლებმა. ორი ქვეყნის ბიზნესსექტორს საშუალება ჰქონდათ, პირისპირ გაემართათ მოლაპარაკებები სამომავლო თანამშრომლობასთან დაკავშირებით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის