სინოპტიკოსების პროგნოზით, 1 ივლისიდან ტემპერატურა მკვეთრად მოიმატებს

2017-06-28 11:47:21, 1840 ნახვა

საზოგადოება

1 ივლისიდან საქართველოს ტერიტორიაზე ტემპერატურა მკვეთრად მოიმატებს. სინოპტიკოსები +36 გრადუს სითბოს პროგნოზირებენ.

აღმოსავლეთ საქართველოს ბარში დღეს და ხვალ +35 გრადუსი სითბო იქნება, შესაძლებელია ძლიერი წვიმა და სეტყვა. 30 ივნისს +34 გრადუსია მოსალოდნელი. ასევე შესაძლებელია ძლიერი წვიმა და სეტყვა. 1 ივლისს კი დღე უმეტესად უნალექოდ ჩაივლის და ჰაერი +36 გრადუსამდე გათბება.

დედაქალაქ თბილისში დღეს +30 გრადუსი ფიქსირდება, დღე უმეტესად უნალექოდ ჩაივლის, 29 ივნისს მოსალოდნელია ხანმოკლე წვიმა ელჭექით, ჰაერი +33 გრადუსამდე გათბება, 30 ივნისს +31 გრადუსი იქნება, ასევე ხანმოკლე წვიმა ელჭექითაა ნავარაუდევი, ხოლო 1 ივლისს სინოპტიკოსები +33 გრადუს სითბოსა და უმეტესად უნალექო ამინდს პროგნოზირებენ.

რაც შეეხება დასავლეთ საქართველოს, დასავლეთ საქართველოს ბარში 28 ივნისს +29 გრადუსი იქნება, მოსალოდნელია ხანმოკლე წვიმა ელჭექით, ელჭექის დროს ქარის შკვალური გაძლიერება, 29 ივნისს +31 გრადუსი სითბო იქნება, ზოგან ხანმოკლე წვიმა ელჭექითაა ნავარაუდევი, 30 ივნისს +30 გრადუსი სითბო იქნება, ხოლო 1 ივლისს ჰაერი +36 გრადუსამდე გათბება.

მთიან და მაღალმთიან რაიონებში შედარებით დაბალი ტემპერატურაა ნავარაუდევი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან