აჭარის მთავრობის თავმჯდომარე ზურაბ პატარაძე მთის განვითარების ეროვნული საბჭოს მე-6 სხდომას დაესწრო.

საქართველოს პრემიერ-მინისტრ გიორგი კვირიკაშვილის ხელმძღვანელობით გამართულ სხდომაზე საბჭოს წევრებმა დღის წესრიგით გათვალისწინებულ 4 საკითხზე იმსჯელეს.

საბჭომ იმსჯელა და მოიწონა დასახლებისთვის მაღამთიანის სტატუსის მინიჭების მიზნით შემოსული 28 შუამდგომლობა, რომელიც საბჭოს მიერ დადგენილ კრიტერიუმებს აკმაყოფილებს. სხდომის მონაწილეებმა ასევე მხარი დაუჭირეს ხელვაჩაურის მუნიციპალიტეტის მაჭახელის ხეობის 9 სოფლისთვის ( ქედქედი, სინდიეთი, აჭარისაღმართი, სკურდიდი, ცხემლარა, ჩიქუნეთი, ქოქოლეთი, ქვედა ჩხუტუნეთი, ზედა ჩხუტუნეთი) სტატუსის მინიჭების შუამდგომლობას.

,,მოხარული ვარ, რომ მაღალმთიან აჭარაში დამატებით 9 სოფელს მიენიჭება სტატუსი, რაც მაჭახლის ხეობაში მცხოვრებ უამრავ ოჯახს საშუალებას მისცემს ისარგებლოს ყველა იმ შეღავათით, რომელსაც მთის კანონი ითვალისწინებს. მოგეხსენებათ, ეს იყო ჩვენი გუნდის წინასაარჩევნო დაპირებაც და მოსახლეობის დაკვეთაც. ეს არის კიდევ ერთი ნათელი მაგალითი იმისა, რომ ჩვენ დაპირებებს ვასრულებთ და ვზრუნავთ ჩვენს მოსახლეობაზე! ცვლილება, რომელიც მთის კანონში შედის საშუალებას მისცემს აჭარის მაღალმთიანეთის ათასობით ოჯახს ისარგებლოს ისეთი შეღავათებით, როგორებიცაა: საპენსიო დანამატი, სახელფასო დანამატი მედიკოსებსა და მასწავლებლებისთვის, ვაუჩერის გაზრდილი ოდენობა მაღალმთიან აჭარაში მცხოვრები სტუდენტებისათვის, შეღავათები ელექტრო მომარაგების გადასახადებსა და გათბობის უზრუნველყოფაზე. რაღა თქმა უნდა, არ უნდა დაგვავიწყდეს საგადასახადო შეღავათებიც. ეს კიდევ უფრო გააუმჯობესებს ჩვენი მოქალაქეების მდგომარეობას და საშუალებას მისცემს მაღალმთიანეთში მცხოვრებ ადამიანებს იცხოვრონ ღირსეულად, იფიქრონ ბიზნესის წარმოებაზე და ამით ხელი შეუწყონ როგორც საკუთარ კეთილდღეობას, ასევე ქვეყნის წარმატებას", - აღნიშნა ზურაბ პატარაძემ სხდომის დასრულების შემდეგ.

მთის განვითარების ეროვნული საბჭოს მორიგ სხდომაზე მიღებული გადაწყვეტილებები დასამტკიცებლად საქართველოს მთავრობის სხდომას წარედგინება.

შეხვედრაზე აღინიშნა, რომ ამ ეტაპზე საქართველოს 3700 დასახლებიდან, მაღალმთიანი დასახლების სტატუსი მინიჭებული აქვს 1678 დასახლებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი