საქართველოს იუსტიციის სამინისტროს სსიპ „მონაცემთა გაცვლის სააგენტომ“ 7 ივნისს ევროკავშირთან დაძმობილების (TWINNING) პროექტის − „ელ-მმართველობის განვითარება საქართველში II“  − დახურვის ოფიციალური ღონისძიება გამართა.

ამის შესახებ „ექსპრესნიუსს“ იუსტიციის სამინისტროდან აცნობეს.

უწყების ინფორმაციით, ღონისძიება  იუსტიციის მინისტრის მოადგილე გიორგი პატარიძემ გახსნა.

დამსწრეებს  სიტყვით  ევროკავშირის წევრი ქვეყნის პროექტის წარმომადგენლებმა ჰანნეს ასტოკმა და ვიტორიო ვალერომ მიმართეს.

გიორგი პატარიძის თქმით, ევროკავშირის მხარდაჭერა საქართველოს კანონმდებლობის ევროკავშირის სამართლებრივ ჩარჩოსთან მიახლოებაში გადამწყვეტი ნაბიჯია საქართველოს წინსვლისა და ევროპაში ინტეგრაციისთვის.

აღსანიშნავია, რომ პროექტი 2016 წელს დაიწყო და 21 თვის განმავლობაში გრძელდებოდა.

საქართველოში ელექტრონული მმართველობის განვითარების დაძმობილების პროექტი ევროკავშირის მიერ  1,3 მილიონი ევროთი დაფინანსდა.

პროექტს ხელმძღვანელობდა ესტონეთის ელ-მმართველობის აკადემია ესტონეთის მთავრობასა და იტალიის საინფორმაციო და საკომუნიკაციო ტექნოლოგიების კონსორციუმ CSI-პიემონტესთან თანამშრომლობით.

პროექტის ფარგლებში 52-მა ექსპერტმა ელექტრონულ მმართველობასთან დაკავშირებულ საკითხებზე საქართველოს ოფიციალურ პირებს გაუწია კონსულტაცია. ესტონეთისა და იტალიის ექსპერტებმა ავსტრიის, გერმანიის, პოლონეთის, გაერთიანებული სამეფოს, დანიის და ლატვიის სპეციალისტებთან ერთად გამოცდილება გაუზიარეს ქართველ კოლეგებს.

მონაცემთა გაცვლის სააგენტოს თანამშრომლებმა ესტონეთში, იტალიასა და ჰოლანდიაში სხვადასხვა სასწავლო ტურში მიიღეს მონაწილეობა.

ამასთან, სააგენტოს წარმომადგენლებმა გაიარეს მარკეტინგის კურსები ელექტრონული მმართველობის წარდგენის უნარ-ჩვევების გასაუმჯობესებლად.

ელექტრონული მმართველობის პოტენციალის საჯარო ცნობიერების ამაღლების მიზნით ევროპელი ექსპერტების მიერ, ასევე, ჩატარდა 2 გასვლითი სემინარი სხვადასხვა ქართული მედიასაშუალების წარმომადგენლებისთვის ელექტრონული სერვისებისა და კიბერუსაფრთხოების რიგ საკითხებში.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს