2015-04-17 11:17:23, 421 ნახვა
პოლიტიკა
პრემიერ-მინისტრი „სოკარის“ პრეზიდენტს როვნაგ აბდულაევს შეხვდა
საქართველოს პრემიერ-მინისტრი ირაკლი ღარიბაშვილი აზერბაიჯანის სახელმწიფო ნავთობკომპანია „სოკარის“ პრეზიდენტს როვნაგ აბდულაევს შეხვდა.
მთავრობის ადმინისტრაციის პრესსამსახურის ინფორმაციით, შეხვედრაზე ორი ქვეყნის ურთიერთობების სტრატეგიულ საკითხები განიხილეს.
გარდა ამისა, მხარეებმა მიმდინარე საინვესტიციო პროექტებსა და სამომავლო თანამშრომლობის პერსპექტივებზე ისაუბრეს. შეხვედრაზე აღინიშნა, რომ „სოკარი“ საქართველოში ერთ-ერთი ყველაზე დიდი ინვესტორია.
მთავრობის ადმინისტრაციაში გამართულ შეხვედრას ,,სოკარის“ საქართველოს წარმომადგენლობის დირექტორი მაჰირ მამედოვი და აზერბაიჯანის საგანგებო და სრულუფლებიანი ელჩი საქართველოში აზერ ჰუსეინი დაესწრნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
