საქართველოს სოფლის მეურნეობის მინისტრის მოადგილემ, რევაზ ასათიანმა საქართველო-ფინეთის ბიზნესფორუმში მიიღო მონაწილეობა.

მინისტრის მოადგილემ მისასალმებელი სიტყვით გამოსვლისას ორ ქვეყანას შორის სამომავლო თანამშრომლობისთვის აღნიშნული ბიზნესფორუმის გამართვის მნიშვნელობაზე ისაუბრა და ყურადღება სოფლის მეურნეობის დარგის განვითარებაში ფინეთის  გამოცდილების გაზიარებაზე გაამახვილა.

როგორც რევაზ ასათიანმა განაცხადა, საქართველოსთვის საინტერესო და მნიშვნელოვანია ფინეთის გამოცდილების გაზიარება რძის პროდუქტების, მარცვლეული კულტურებისა და თევზის წარმოების მიმართულებებით. 

მინისტრის მოადგილემ ფორუმის მონაწილეებს საქართველოში აგრარულ დარგში არსებული მდგომარეობა გააცნო, ახალგაზრდა ფერმერების კვალიფიკაციის ამაღლების მნიშვნელობაზე ისაუბრა და ამ მიმართულებით ფინეთთან თანამშრომლობის სურვილი გამოთქვა. 

ევროკავშირი-საქართველოს ბიზნეს საბჭოს (EUGBC) მიერ ორგანიზებული საქართველო-ფინეთის რიგით პირველი ბიზნესფორუმი სასტუმროში „თბილისი მარიოტი“ გაიმართა,  რომელსაც ფინეთის ელჩი საქართველოში არია მაკონენი, ფინეთის საგარეო საქმეთა სამინისტროს, საქართველოს საგარეო საქმეთა სამინიტროს, ფინურ-ქართული სავაჭრო ასოციაციის და მსხვილი ფინური კომპანიების წარმომადგენლები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა