ოთარ კახიძე პარლამენტში ვახტანგ გამოელაურისა და გიორგი მღებრიშვილის მისვლას ითხოვს

2017-06-02 12:10:12, 2383 ნახვა

სამართალი კომენტარი

ევროპული საქართველოს წევრი ოთარ კახიძე აზერბაიჯანელი ჟურნალისტის საქმესთან დაკავშირებით, პარლამენტში, უმცირესობის ფორმატში სუს-ის ხელმძღვანელის ვახტანგ გამოელაურისა და შს მინისტრის გიორგი მღებრიშვილის მისვლას ითხოვს.

კახიძის განცხადებით, მათ არსებულ კითხვებზე პასუხები უნდა გასცენ:

,,არსებობს ინფორმაცია, რომ ამ ყველაფერში მონაწილეობდნენ ქართველი სამართალდამცავები და შსს-ს მაღალჩინოსნები. ეს არის სახელმწიფოს ინტერესების წინააღმდეგ ჩადენილი დანაშაული. ყველა პირი, ვისი დანაშაულიც გამოიკვეთება აღნიშნულ საქმეში უნდა წარსდგეს მართლმსაჯულების წინაშე. მოვუწოდებთ საპარლამენტო უმრავლესობას, ნუ გახდებიან თავგასული ძალოვნების მძევლები. ჩვენ დეტალურად უნდა მივიღოთ ინფორმაცია ჟურნალისტის გატაცებაზე და ხელისუფლება ვალდებულია, ყველა ლეგიტიმურ კითხვას პასუხი გასცეს“, - განაცხადა ოთარ კახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან