ომბუდსმენი: 2016 წელს ერთ წლამდე ასაკის 511 ბავშვი გარდაიცვალა, ეს მაჩვენებელი კვლავ საგანგაშოა

2017-06-01 13:47:00, 2004 ნახვა

საზოგადოება კომენტარი

სახალხო დამცველის უჩა ნანუაშვილის განცხადებით, ბავშვთა მიმართ ძალადობის მასშტაბები კვლავ მაღალია.

ომბუდსმენმა ქუჩაში მცხოვრები და მომუშავე ბავშვების მდგომარეობაზე, ასევე ძალადობის მსხვერპლი ბავშვების რაოდენობის ზრდის სტატისტიკაზე და ჩვილ ბავშვთა სიკვდილიანობის მაღალ მაჩვენებელზე გაამახვილა ყურადღება.

„ბავშვთა მიმართ ძალადობის მასშტაბები კვლავ მაღალია და ჩვენ ამის კონკრეტული ფაქტები გვაქვს ანგარიშში ასახული. ბავშვთა სიღარიბე ერთ-ერთ სერიოზულ პრობლემას წარმოადგენს. ბავშვთა სიკვდილიანობით საქართველო კვლავ მაღალ პოზიციაზეა. გასულ წელს 0-1 წლამდე ასაკის 511 ბავშვი გარდაიცვალა და ეს მაჩვენებელი კვლავ საგანგაშოა, ასევე ქუჩაში მომუშავე და მცხოვრებ ბავშვთა მდგომარეობის კუთხით არის სერიოზული გამოწვევები, შეზღუდული შესაძლებლობის მქონე ბავშვთა უფლებების კუთხით ანუ საკმაოდ ბევრია ის პრობლემები, რომლებსაც ბავშვები აწყდებიან“, - აღნიშნა ნანუაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან