ე.წ. სამხრეთ ოსეთის დე-ფაქტო საგარეო საქმეთა სამინისტრო, ევროკავშირის სპეციალური წარმომადგენლის ჰელბერტ ზალბერის ოკუპირებულ რეგიონში ვიზიტთან დაკავშირებით, ოფიციალური თბილისის განცხადებას გამოეხმაურა, - ამის შესახებ "სპუტნიკ-ოსეტია" იუწყება.

"ოფიციალურმა თბილისმა დაიწყო საერთაშორისო არენაზე არსებული მხარდაჭერის ბოროტად გამოყენება. ბატონი ზალბერის მიერ გამოხატული დიპლომატიური ზრდილობა, საქართველოში აღქმული იყო, როგორც ღალატი ევროკავშირის მხრიდან", - აცხადებენ დე-ფაქტო უწყებაში.

ე.წ. უწყებაში აღნიშნავენ, რომ საქართველოს "საქციელი არის საკმარისი იმისთვის, რომ საერთაშორისო საზოგადოებას შეექმნას ობიექტური შეხედულება, იმაზე, რომ მას არ აქვს უნარი კონსტრუქციული დიალოგი აწარმოოს".

"საქართველოს მსგავსი ქმედება ხელს უშლის რეგიონში კონფლიქტის დარეგულირებას და უსაფრთხოების სისტემის ჩამოყალიბებას", - აღნიშნავენ ე.წ. საგარეო უწყებაში.

შეგახსენებთ, რომ ევროკავშირის სპეციალური წარმომადგენელი სამხრეთ კავკასიასა და საქართველოს კრიზისების საკითხებში ჰერბერტ ზალბერი ე.წ. სამხრეთ ოსეთის დე-ფაქტო პრეზიდენტ ანატოლი ბიბილოვს შეხვდა და ე.წ. არჩევნებში გამარჯვება მიულოცა.

ცნობისთვის, ჰერბერტ ზალბერი ამჟამად საქართველოს საგარეო საქმეთა მინისტრის მოადგილეს დავით დუნდუას ხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს